阿湯 (奇雲史柏斯 飾) 有財有勢有魄力，偏偏性格大支嘢兼愛出風頭，令全公司上下都買佢怕，同家人關係亦越見疏離。適逢乖女快將生日，又勁恨有隻貓貓做禮物，憎貓嘅阿湯喺不情不願下，神推鬼㧬咁幫襯咗間隱世寵物店，仲喺返歸途中遇上攞命意外……到佢醒返，經已發現自己「唔係人」！靈魂被困呢隻「闊少喵」嘅阿湯，自此成為乖女同老婆 (珍妮花嘉納 飾) 嘅百厭新寵……究竟阿湯要點樣做，先可以「重新做人」？